Секретарот на иранскиот Врховен совет за национална безбедност, Али Лариџани, денеска изјави дека Техеран нема да преговара со САД.

По информациите во западните медиуми во врска со барањето на Техеран за преговори со Вашингтон, Лариџани нагласи дека Иран нема да преговара со САД, пренесува Тасним.

Рано утрово, „Волстрит џурнал“ објави дека Лариџани ѝ ги испратил на оманската страна своите планови за продолжување на преговорите со САД.

САД и Израел започнаа напади врз Иран во сабота наутро, во време кога беа во тек индиректни нуклеарни разговори меѓу Техеран и Вашингтон, со посредство на Оман.