Денеска ТикТок престана да работи во САД, откако стапи на сила новиот закон за забрана на платформата. Во пораката што се појави во апликацијата за американските корисници се наведува дека е донесен закон со кој се забранува ТикТок, што значи „засега не можете да го користите ТикТок“.

Новоизбраниот американски претседател Доналд Трамп рече дека „најверојатно“ ќе му даде 90-дневно одложување од забраната на ТикТок, откако ќе ја преземе функцијата утре.

Корисниците објавија дека апликацијата е отстранета и од продавниците за апликации на Епл и Гугл во САД, а tiktok.com не ги прикажува видеата.