Тимот на „КОД“ ја доби првата награда за Најдобра истражувачка сторија на годинешниот конкурс „Никола Младенов 2025“ за серијалот истражувања за пожарот во дискотеката „Пулс“.

Наградата ја дели со Истражувачката репортерска лабораторија за сторијата „Кочани – нашиот морален компромис“,и новинарката на „Фокус“, Ирена Мулачка, за сторијата за тајниот сопственик на агенцијата „Рубикон“. Втората награда ја добија БИРН Македонија и новинарите Александар Методијев и Сузана Мицева.

И третото место го делат новинарите Фисник Џелили и Александар Димитриевски. Пофалници за истакнат новинарски ангажман им беа доделени на Мирослава Симоновска и Фросина Факова Серафиновиќ, Бјанка Станковиќ, Славица Филиповска Иванова и Михаил Милошевски.