Нови повици за неселективна правда, испратија кочанчани попладенево од протестот, кој помина во тишина.

Во рацете држеа фотографии од загинатите, како потсетик за ужасната трагедија после која градот замре.

Тишина погласна и од зборови.  Два месеци по трагедијата, семејствата на жртвите и повредните во страотниот пожар во „Пулс“ повторно ги повикуваат надлежните правдата да излезе на виделина.

Колоната тргна од Општината во една бројка, но стануваше се помасовна и погуста како се движеше низ кочанските улици, застанувајќи пред полициската станица, па пред Судот и Обвинителството.