Американскиот претседател Доналд Трамп нареди декласификација на документите поврзани со трите најголеми атентати во историјата на САД: убиствата на Џон Кенеди, Роберт Ф. Кенеди и Мартин Лутер Кинг.

Новоизбраниот американски претседател изјави дека многу луѓе долго време чекале на ова откритие, и дека сите информации ќе бидат откриени. Тој исто така побара пенкалото со кое ја потпишал наредбата да му биде подарено на Роберт Кенеди Џуниор, син на Роберт Ф. Кенеди.

Иако многу документи беа објавени низ годините, голем број од нив сè уште остануваат тајни, особено оние поврзани со атентатот на Кенеди.