Тројца полицајци се убиени, двајца се тешко ранети во престрелка со вооружен напаѓач во округот Јорк во Пенсилванија, соопштија полициски службеници. Според соопштението на локалната полиција, смртно настрадал и напаѓачот, пренесува „Еј-Би-Си њуз“.

Според полковник Кристофер Парис, комесар на полицијата во Пенсилванија, полицајците постапувале во истрага „која била поврзана со семејни односи“. Повредените полицајци се наоѓаат во стабилна состојба, додаде тој.  Во тек е истрага за инцидентот.