Едно лице е убиено, а шестмина се повредени од кои тројца во животозагрозувачка состојба, откако маж со нож избоди шест лица во трговски центар во италијанскиот град Милано.

Полицијата за нападот уапси 46-годишен Италијанец.

При неговиот крвав поход животот го изгубил работник во супермаркет кои им подлегнал на повредите на пат кон болница.

Мотивот за нападите не е познат.

Италијанските власти соопштија дека нема елементи што укажуваат на тероризам.

Меѓу повредените е и шпанскиот фудбалер Пабло Мари, кој е позајмен во клубот Монца од Серија А од Арсенал.