Укината е забраната за тешки моторни возила на патниот правец Кратово – Пробиштип која утринава беше воведена по 07:00 часот поради наноси од снег.

Во моментов сообраќајот е дозволен за сите типови возила, информираат од АМСМ… Сообраќајот на државните патишта се одвива непречено, претежно по влажни коловози.

АМСМ потсетува дека за неколку дена почнува обврската за задолжително носење зимска опрена која стапува на сила на 15ти ноември, односно во петок.