Вицепремиерот за добро владеење и транспарентност Арбен Фетаи објави на својот профил на Фејсбук дека на службениот мејл добил порака со смртна закана.

„Оваа закана доаѓа по мојата изјава дека ќе сторам сé за да се отстрани дефиницијата за албанскиот јазик во уставот, како јазик што го зборуваат 20 проценти од населението. За ова го известив и министерот за внатрешни работи, Панче Тошковски и побарав да се зголемат мерките за мојата лична безбедност“ – напиша Фетаи.

Овој настан предизвика загриженост за личната безбедност на вицепремиерот, како и за јавниот дискурс околу прашањето за измена на Уставот.