Денеска камионџиите ги блокираат граничните премини во Македонија и во регионот. Тие протестираат против правилата за ограничен престој во Шенген-зоната.

Превозниците предупредуваат дека, ако не се реши проблемот, транспортната индустрија и целата економија се соочуваат со колапс. Бараат изземање од правилото за престој во ЕУ или да се издаваат петгодишни визи.

Колегата Срѓан Стојанчов е на граничниот премин меѓу Македонија и Косово и се вклучи во вестите во 12:30 часот со детали за состојбата на „Блаце“.

Блокади на камионџиите има и за излез од државата на граничниот премини „Богородица“ кон Грција. Со деталите од таму се вклучи колешката Сузана Мицева во вестите во 12:30 часот.