Црн петок за маркетите е мотото под кое денеска се повикуваат граѓаните да се откажат од купување во големите маркети со цел да се испрати порака дека повеќе нема да се толерира богатењето на грбот на народот.

Се бара да се намалат енормно покачените цени на храната, и се упатува повик да запре злоупотребата од страна на трговците, дистрибутерите и производителите со неоправданото покачување на цените се вели во повиците на социјалните мрежи.

Oва е втор ваков бојкот откако првиот претходната недела беше прогласен за успешен, бидејќи податоците на УЈП покажаа преполовување на промеот.