Сирискиот претседател Башар ал-Асад се качи во авион и денеска го напушти Дамаск кон непознато одредиште, изјавија два високи воени офицери за „Ројтерс“. Бунтовниците, пак, истакнаа дека влегле во главниот град без никакви знаци на распоредување на војската.
Илјадници луѓе, пешки и во автомобили, се собраа на главниот плоштад во Дамаск, мавтајќи и извикувајќи „слобода“, рекоа сведоци.
Damascus has fallen.
Syria has fallen.
Bashar al-Assad has fallen.
These scenes show the disappearance of the Syrian army and security forces from the streets, similar to what happened previously in Iraq.#Damascus #Syria #BasharAlAssad #SyrianArmy #Iraq pic.twitter.com/HyDnhGx4h5— khaled mahmoued (@khaledmahmoued1) December 8, 2024
„Славиме со сирискиот народ за веста за ослободување на нашите затвореници и ослободување на нивните ланци и најавуваме крај на ерата на неправда во затворот Седнаја“, соопштија бунтовниците. Седнаја, инаку, е голем воен затвор во предградие на Дамаск во кој сириската влада затвори илјадници луѓе.
Damascus the first morning after its second independence – it’s true independence.
The sense of ecstasy is hard to describe pic.twitter.com/rXH6nJEQPH
— Hassan I. Hassan (@hxhassan) December 8, 2024
Само неколку часа претходно, бунтовниците објавија дека стекнале целосна контрола над клучниот град Хомс по само еден ден борби. Интензивни пукотници се слушаа во Дамаск и претпладнево, изјавија двајца жители, иако не е јасно кој е нивниот извор.
Во руралните области, југозападно од главниот град, млади и поранешни затвореници го искористија губењето на власта за да излезат на улица. Илјадници жители на Хомс излегоа на улиците по повлекување на војската, играјќи и скандирајќи „Асад замина, Хомс е слободен“ и „да живее Сирија, долу Башар ал Асад“.
