Околу 200 патници беа сведоци на драматични моменти за време на летото на авиокомпанијата „Спринг Ерлајнс“ од Шангај кон Токио, кога Боингот 737 почна нагло да паѓа за 25.000 стапки за 10 минути. Според сведочења на патници, некои од патниците загубиле свест додека други почнале да пишуваат проштални пораки во страв дека авионот ќе се урне и дека загинат.

На видео снимки кои ги направија дел од патниците се гледа како паѓаат маските за кислород, а екипажот дава упатства за нивно користење.

„Слушнав пригушен шум и паднаа маските за кислород. Екипажот рече да ги ставиме, велејќи дека дојде до дефект во авионот“, раскажа еден од патниците.

„Изненадувачки паднаа маските за кислород додека спиев. Почнав да плачам“, додаде друг патник.

Според министерството за сообраќај на Јапонија, наглото спуштање на авионот се случило кога се огласил алармот за губење на притисок во патничката кабина. Авионот бил принуден да се спушти од 36.000 стапки на 10.500 пред да слета на аеродромот Кансаи во Осака. Инцидентот мина без повредени, а авиокомпанијата им понудипо 104 долари и бесплатно ноќевање на патниците.

🚨 BOEING FLIGHT PLUNGES 26,000 FEET MID FLIGHT 🚨

Oxygen masks deployed as Tokyo-bound flight drops 23,000ft#Boeing pic.twitter.com/jXxupwcEXr pic.twitter.com/DrIcOAkiCr

— JUST IN | World (@justinbroadcast) July 2, 2025