Четириесет и девет луѓе загинаа, а 219 се повредени во денешниот голем руски напад со балистичпки проектили врз Полтава, објави портпаролот на украинското Министерство за одбрана, Дмитро Лазуткин.
BREAKING: Russian missile strike hits Ukrainian city of Poltava, killing at least 41 people and injuring 180 others, Zelensky says pic.twitter.com/UbHOF7T2Le
— BNO News (@BNONews) September 3, 2024
По нападот се огласи украинскиот претседател Володимир Зеленски кој преку Икс (поранешен Твитер) порача дека Русите ќе одговараат за Полтава. Притоа, од Западот побара повеќе оружје за противвоздушна одбрана и упте побара западно оружје со долг дострел за гаќање на цели длабоко во Русија.
„Постојано говориме на сите во светот кои можат да го запрат овој терор – системи за противвоздушна одбрана и проектили се потребни во Украина, а не во некое складиште. Удар со долг дострел кои би можеле да нè заштитат од рускиот терор се потребни сега, а не подоцна. За жал, секој ден доцнење значи губење на животи. Русите дефинитивно ќе одговараат за овој напад“, напиша Зеленски на Икс.
Полтава е оддалечена околу 140 километри од руската граница. Русите и претходно го напаѓаа градот, но не како градовите и регионите во близина на источниот фронт, па затоа Полтава, во меѓувреме, стана привремен дом на многу бегалци.
Полтава, військовий навчальний центр, який був заповнений, після 2 ракетних ударів Іскандерами pic.twitter.com/o1grumsAu4
— 🇺🇦 ЄвроМайдан 🇪🇺 (@EuroMaydan) September 3, 2024
Аеродромот во регионот на Полтава на мета на Русија чии власти притоа тврдеа дека уништиле воени авиони. Меѓутоа во денешниот напад, мета, како што јавуваат медиумите, бил самиот град. Проектили делумно уништиле зграда, пришто луѓе останале затрупани под урнатините.
Во Полтава е прогласена тридневна жалост.
