Американскиот претседател Доналд Трамп објави дека САД целосно ја опколиле Венецуела и оти наредил сеопшта блокада на танкерите кои пловат кон или од земјата. Одлуката е донесена по прогласување на владата во Каракас за странска терористичка организација, обвинувајќи ја за кражба на американски имот, за тероризам, за криумчарење на дрога и трговија со луѓе, пишува „Би-Би-Си“.
„Венецуела е целосно опколена со најголемата војска што некогаш е собрана во Јужна Америка. Ќе биде сè поголема, а ги чека шок каков не виделе досега сè додека не го вратат на САД целото нафтено богатство, земја и останат имот што претходно го украдоа. Затоа, денеска наредувам целосна и сеопфатна блокада на сите санкционирани танкери кои влегуваат и излегуваат од Венецуела“, напиша Трамп во објавата на „Трут Сошл“.
„Нелегитимниот режим на Мадуро ја користи нафтата од тие украдени нафтени полиња за да се финансира себе, нарко-тероризмот, трговијата со луѓе, убиства и киднапирања. Поради кражба на нашиот имот и многу други причини, вклучително тероризам, криумчарење на дрога и трговија со луѓе, режимот во Венецуела е прогласен за странска терористичка организација“, додаде Трамп во објавата.
Today, the Federal Bureau of Investigation, Homeland Security Investigations, and the United States Coast Guard, with support from the Department of War, executed a seizure warrant for a crude oil tanker used to transport sanctioned oil from Venezuela and Iran. For multiple… pic.twitter.com/dNr0oAGl5x
— Attorney General Pamela Bondi (@AGPamBondi) December 10, 2025
