Двајца најблиски соработници на градоначалничката на Мексико Сити, Клара Бругаде се убиени среде бел ден во центарот на градот, откако влегле во заседа на напаѓач со мотоцикл, јавува „Ројтерс“. Жртви во нападот се Химена Гузман, секретарка на градоначалничката, и Хозе Муњоз, нејзин советник, потврдија градските власти.
Убиствата ја потресоа мексиканската престолнина која инаку се смета за една од ретките сигурни подрачја во земјата во која насилството бележи растечки тренд. Политички мотивираните напади се честа појава во многу делови на Мексико, каде десетици локални политичари и кандидати се убиени во ликвидации што, воглавно, се поврзуваат со наркокартелите кои се обидуваат да го прошират своето влијание.
Засега не е познат мотивот на нападот, но стручњаците за безбедност велат дека сè укажува на егзекуции во организација на картел.
„Станува збор за брутална порака упатена до Клара Бругаде, зад која без сомнеж стојат наркокартелите“, рече експертот за безбедност, Давид Сауседо.
#Mexico 🇲🇽: Ximena Guzmán (secretary to the mayor of Mexico City) and José Muñoz (adviser to the local government) shot and killed in #CDMX.
The perpetrator seemingly used an unidentified pistol which was hidden under a coat/jacket while waiting. pic.twitter.com/aIbya9Zs91
— War Noir (@war_noir) May 20, 2025
