На територијата на Македонија изминатото деноноќие се регистрирани вкупно 28 пожари на отворен простор. Од нив, 3 се активни, 4 се под контрола, а 21 пожар е целосно изгаснат. Активни пожари има во општините Македонски Брод, Чучер Сандево и Липково и Прилеп. Под контрола се пожарите во Гевгелија, Делчево, Студеничани и Дебар. Пожари кои се изгаснати се регистрирани на повеќе локации низ земјата, меѓу кои во Арачиново, Бутел, Студеничани, Гази Баба, Гостивар, Теарце, Брвеница, Долнени, Пробиштип, Куманово, Струга, Крушево, Чучер Сандево и на други места.