Институтот за јавно здравје ја следи состојбата со грип низ целата земја и ќе даде препораки до Министерството за образование за можноста за продолжување на зимскиот распуст доколку смета дека има потреба за тоа.

Во првата недела од јануари се регистрирани 1.725 случаи, што е двојно повеќе од претходната недела, а доминантен е типот инфлуенца А.

Од институтот велат будно ќе ја следат епидемиолошката состојба со цел заштита на здравјето на учениците и спречување на ширење на вирусот.