Премиерата на филмот „Кајмак“ во режија на Милчо Манчевски ќе биде во среда во македонската Филхармонија, а од наредниот ден ќе почне истовремено да се прикажува во речиси 30 градови низ Македонија.

„Кајмак“ е љубовна приказна за возрасни. Тоа е црна комедија за две семејства кои се пристоини на почетокот, а среќни на крајот.

Филмот е бесмилосна критика на малограѓанското лицемерие и апотеоза на индивидуалната слобода. По сценарио и режија на Манчевски, во филмот играат Сара Климоска, Камка Тоциновски, Александар Микиќ, Симона Спировска, Ана Стојановска и други.

Неодамна, „Кајмак“ имаше светска премиера на токискиот фестивал, а веднаш потоа отпатува во Тајван, каде се прикажа на филмскиот фестивал „Златен коњ“.