ССМ: Зголемувањето на старосната граница за пензионирање нe е е решение за покривање на дефицитот на Пензискиот фонд ...

ON AIR 22:45 – 23:59 Небесен оган

За уште една година САД ја продолжија вонредната состојба околу Западен Балкан

/

пред 480 дена

Сподели преку :

За уште една година Соединетите Американски Држави одлучија да ја продолжат вонредната состојба во врска со ситуацијата на Западен Балкан.

Националната вонредна состојба за прв пат беше прогласена на 26 јуни 2001 година од страна на тогашниот претседател преку Извршната наредба 13219, за справување со вонредни закани за националната безбедност и надворешната политика на Соединетите Американски Држави што произлегуваат од екстремно насилство и дејствија што го попречуваа спроведувањето на меѓународните договори во Северна Македонија, Босна и Херцеговина и Косово.

Оваа состојба е ажурирана со текот на годините: 2003 година со Извршната наредба 13304, 2021 година со Извршната наредба 14033, која го прошири својот опсег на целата територија на поранешна Југославија и Албанија, поради широко распространетата корупција и поткопувањето на демократските институции и јануари 2025 година со Извршната наредба 14140, за справување со тековните напори за оспорување на суверенитетот на земјите во регионот и избегнување на санкциите на САД. Во соопштението стои дека „ситуацијата на Западен Балкан продолжува да претставува необична и вонредна закана за националната безбедност и надворешната политика на Соединетите Американски Држави“.Одлуката вклучува санкции и други мерки за лица кои го поткопуваат мирот, стабилноста и демократијата во регионот.