Европското знаменце се злоупотребува за спас на корумпираните функционери по падот на власта, обвини опозицијата на седницата за европски прашања, каде по скратена постапка се разгледуваа предлог-измените на Кривичниот законик, со кои се намалуваат казните за злоупотреба на службена должност. Укажаа дека, не може да има никакво усогласување со европското законодавство, затоа што секоја држава во ЕУ си има посебен Кривичен законик, а последиците од измените ќе се видат веднаш.

Пратениците од власта ги бранеа измените токму со аргументите дека се усогласуваат со директивите на ЕУ, на Обединетите нации и на Европскиот Парламент.

И правничките во комисијата имаа различно видување на измените.

Опозицијата не поднесе амандмани на измените, затоа што смета дека се беспредметни кога власта го има мнозинството.

Далиборка Демјанска Цветановска