Поранешната германска канцеларка Ангела Меркел остро го осуди рускиот напад врз Украина и му даде целосна поддршка на актуелниот канцелар Олаф Шолц во неговите напори да ја запре акцијата на Владимир Путин.

„Моите мисли се со украинскиот народ“

„Оваа агресивна војна на Русија претставува длабока пресвртница во историјата на Европа по Втората светска војна. Нема оправдување за ова бесрамно кршење на меѓународното право и јас силно го осудувам“, рече Меркел. Таа рече дека сочувствува со украинскиот народ и неговото раководство во моментов.

„Моите мисли и солидарност во овие ужасни моменти се со украинскиот народ и владата на претседателот Володимир Зеленски“, рече поранешнната германска канцеларика.