Владимир Жириновски, 75-годишен политичар познат по своите популистички ставови и конфронтирачки политички стил во Русија преку Телеграм им се обрати на оние кои се уште не биле вакцинирани. Тој ги повика сите што поскоро да се вакцинираат.

„Коронавирусот продолжува да циркулира низ светот. Само кај нас загинаа близу половина милион луѓе! Замислете го ова. Град како Тула, Калининград или Рјазан исчезна во миг. Но, дури половина од населението на Русија не е вакцинирана. И тоа е патетична ситуација. Ова значи дека пандемијата ќе продолжи, луѓето ќе продолжат да се инфицираат и да се разболуваат, а бројот на жртви во еден град за жал ќе продолжи да расте“.

Русија се соочи со пораст на бројот на случаи на Ковид-19 и смртни случаи во последниве недели, при што рекордите на смртност се уриваат неколку дена по ред.

Официјални лица, кои рекоа дека помалку од половина од населението било вакцинирано, ги повикаа луѓето да се пријават за да се вакцинираат. Но, руските експерти, исто така, тврдат дека неопходноста од редовна ревакцинација за заштита од сериозни случаи на Ковид-19 сè уште не е докажана.