Како се станува министер? Со висока партиска позиционираност, експертска умешност, достигнувања во коалициски преговори или непартиска стручност. Ова се четирите начини што ги наведува истражувањето на Меѓународниот републикански институт, по анкетата со 13 сегашни и поранешни министри. За зголемување на ефикасноста во извршувањето на функцијата, се препорачува определување визија, програма и приоритети.

Истражувањето укажува колку е значајно примопредавањето на функцијата заради некаков оперативен континуитет. Министрите треба да креираат политики базирани на анализи и докази и редовно да ги проценуваат ефектите. ИРИ сугерира воведување правна рамка за непосредно ангажирање посебни советници на министрите, централен електронски систем кој ќе ги мери резултатите на извршната власт, а граѓаните ги охрабрува да бараат квалитетни услуги и отчетност, бидејќи институциите се создадени за да одговараат пред нив.

Соња Николовска