Иницијативата за свикување вонреден конгрес на ВМРО-ДПМНЕ испрати писмо до Делегација на ЕУ во Скопје и дипломатските претставништва во Скопје, во кое бараат осуда за настаните по изјавата на советничката во Општина Битола, Анита Ангелеска. Таа вчера јавно повика на вонреден конгрес и смена на претседателот на опозициската партија, Христијан Мицкоски по што била разрешена од сите партиски функции.

Ние како иницијатива за демократски дијалог во рамки на една политичка партија, најостро го осудуваме и се оградуваме од употреба на говор на омраза. Уште повеќе, ако тоа се прави врз жена. Во изминатиов период додека сме активни, во ниту еден момент не користевме или на било каков начин сме мотивирале говор на омраза- велат тие во писмото нагласувајќи дека стравуваат дека говорот на омраза ќе продолжи и ќе ескалира во периодот кој следи, заканувајќи се да прерасне во стандард за водење на политички дијалог.