Апелациониот суд ја прифати понудената гаранција во случајот со поранешниот генерален секретар на Владата Драги Рашковски 192.980 евра во недвижен имот, и му го укина домашниот притвор. Определени му се мерки на претпазливост и тој секој понеделник ќе мора да се јавува во Основниот кривичен суд Скопје, одземен му е  ипасошот се до правосилноста на пресудата во случајот во кој тој е обвинет за злоупотреба на службената положба и овластување и перење пари.

И на поранешниот претседател на Собранието, Трајко Вељановски му укинат куќниот притвор, но тој е ослободен без гаранција. И на Вељановски му е одземен пасошот и забрана за напуштање на државата. Вељановски е обвинет за случајот Организатори на 27 април за кој од првостепениот суд е осуден на шест години и шест месеци затвор. Во куќен притвор беше седум месеци.