ЕСМ очекува денеска Владата да донесе одлука со препорачана цена на електричната енергија и веќе во четврток кога и истекува рокот на ЕВН Хоме да достават понуда.

Владата на затворена седница ќе го разгледува финансискиот и планот за производство на електрани за 2022.

Се поизвесно е дека цената на струјата по Нова година ќе биде повисока, колку официјално засега никој не открива.

Директорот на ЕСМ, Васко Ковачевски вели дека се прават напори да се зголеми домашното производство на струја, и наместо законскиот минимум од 60 проценти, Државните елктрани да ја обезбедат целата потребна количина за домаќинствата, со што во функција до крајот на годината ќе бидат сите капацитети, освен хидропотенцијалот.