Информацијата за вакцините на Фајзер следи со недозволиво доцнење, и станува збор за многу мала доза, реагираше ВМРО-ДПМНЕ.

Ова е доволно да се вакцинира отприлика само еден град колку Злетово, кој брои помалку од три илјади жители. Филипче продолжува со полуинформации дека во директни преговори се обезбедени 800.000 дози за цела 2021. А, детали за тоа кога и колку вакцини ќе стигнат нема, се потенцира во партиското соопштение на опозицијата.

Во него се потенцира и дека додека во Македонија дополнително ќе се утврдува динамиката, регионот и земјите од ЕУ имаат многу јасна слика или детален план.