Истиот ден кога беше промовирана нејзината кандидатура за градоначалник на Центар, Билјана Ивановска била посетена од страна на полициски службеници за да и врачат кривична пријава.
-По 11 часа откако ја објавив мојата кандидатура за градоначалничка на Општина Центар, полицајци затропаа на мојата врата. Синоќа во 20:30 часот двајца полицајци ме побарале да ми врачат кривична пријава, но јас не бев дома. Утринава веднаш појдов да ја подигнам поканата од ОЈО Скопје за да видам за што станува збор. Ме повикуваат на разговор на 19 август, соопшти преку Фејсбук, Ивановска.
Таа нема податоци за што се однесува пријавата и постапката која е активирана дента кога ја поднесе кандидатурата за локални избори.
-Јас немам што да кријам, имам чиста совест и не се плашам од никакви закани и ниски удари и притисоци. Мојата цел е достоинствен живот во Центар и нашата битка заедно со „Независни заедно“ е отпор против воспоставените антивредности на коруцпија и клиентелизам кои нè доведоа до оваа ситуација, порача Ивановска.
Од обвинителството и полицијата засега нема детали за пријавата и отворената постапка за Ивановска.
