Американскиот претседател Доналд Трамп предизвика бурни реакции откако објави слика генерирана со вештачка интелигенција на која е прикажан како фигура налик на Исус Христос.
Објавата, поставена на неговата платформа „Truth Social“, го прикажува Трамп во бела облека како „лекува“ човек, со симболика типична за христијанската уметност.
Иако подоцна ја избриша, објаснувајќи дека сакал да се прикаже како „доктор“, критики стигнаа дури и од негови поддржувачи, кои ја оценија како богохулна и несоодветна.
Контроверзната објава доаѓа во време на заострени односи со Папата Лав XIV, кој јавно ја критикуваше војната поврзана со американско-израелските напади врз Иран.
Папата, кој е првиот американски поглавар на Католичката црква, изјави дека нема намера да влегува во директна расправа со Трамп, но најави дека ќе продолжи гласно да се залага за мир и дијалог.
